كلمات الحوار الشعري بين الحاج محمد الدمسيري وفاطمة تيحيحت مزيين

الحاج محمد الدمسيري
ترزم تمانار ئزالت اريي كاتنت
ازيغ ادكال ئكا لحلوف ؤر نسين
ارا بعدا سلم دي نسلم فلاونت
ئلما نزر مار اد ئضفور سلام ناغ
اليعاون ابرشيد ئخلان غ تمغارين
اليعاون اتاليد مسكين اسرس لكار
ؤرجو زرينت لمدينت امر تاسامرت
اليعاون اتالي جو ؤورئكين لحمام
ؤلا غايدا تلسا كان كولو توخوشين
اليعاون ايازرك ن مراوت تاكاتين
ؤر جو ئيبيد كراد ئلكمن ار ئسوتول
يان ئزضا كيس ئباون ؤرتن اك ئفرن
يان ئزضاد اسنكار وايا تيشنتيت
تانوضفي ن تمازيرت مساكم س لخير
يان ئنغا فاد ربون سرسنت اغراف
اليعاون اتاموكايت ؤر ئكاتن يان
اوانا رايزيك ئسكر سرس اغاراس
اس نا نرا لحليب نضفر تاوالا ناغ
اح اطاكسي نو ترزامت انسكر تاياض
جاج ئرزام لباب ؤر سول حصارن يات
اداغ نسكر دوبل في ؤوكان ئما ترميت
ؤريي تكيت ئلمدينت ار تفيساسمت
امناشك ن ضور اد اغ ترمي غ ؤغاراس
ايان ئزرين ئنا جور غان س لافيراي

تيحيحيت مزيين
اليعاون ايان ئكان ماف ئتاكي يان
ؤلا طافن ئضارن داس رات ؤكان نطاي
امناشك ن يات ادارس ئشان اكوراي
اويغ رجاء ات مكارغ اتنت اك ئغرم
اوالايني توفيد لخناشي فيسنت اك
اتاناف اتركيكييت ار تروالنت
ادور اد لالاك ئدوسن ؤكان اتلكمت
تالي س اكولو زاضن ئيحاحان انواش
ايان ئرزان ئشيب ئخشن يوف اس اكال
قنض ئلهوا يوداكن اوا غ ئسوياس
اداغ ئبضو ربي ديسن ئما سيحلن اغ
ئخاصاغ بدا ماد اغت ؤكان ئتاسين
ئغ اس ئفسي ريباب ار فلاسن توسون
ئس اغ ئجلا ربي ديسن لحايات ناغ
ؤكان نضفورت زود لخناشي غ ئسوياس
ئغ اتعراكاغ ئكاور نتا ف لكرسي
ايناد روراغ ئكاغت نتا غ ؤقلمون
ئغ اكين زران مدن تعمرت اشاكوش
نان اك حقا غاد ئس رايطف لمليار
اوالايني حرمن كيس ما س اسان امان
اد اوا ؤور ئساهل ربي ف ما رايي تاكات
ؤر اداك كاغ ئسمك اك سول نقاي افوس
اكادا ن لمال اياد ئكشمن افوس نون
اهاتي لباراكا اكيسن ؤكان ؤر ئلين
ؤر جو زريغ غ لمدينت لكيران نون
ؤلا يا تكمي زود روايس ويلي سنغ